 |
Sabado,
Oktubre 11, 2008 |
Lalaki gi-hit and run
MAAYONG pagkatagakÿsa usa ka lalake human naligid ang gimanehong biseklita niini niadtong Huwebes mga alas 10:30 sa gabii sa Lapasan Hi-way ning siyudad sa Cagayan de Oro.
Si SPO1 Joel Tare sa Police Station 3 (PS3) sa Agora niila sa biktima nga mao si Wilson Acubo 65, minyo, taga Upper Carmen, ning siyudad.
Nasayran gikan sa taho sa biktima ngadto sa kapolisan nga samtang nagmaneho sa iyang biseklita kalit lamang siyang nabanggaan sa usa ka Gusa liner nga nagdala sa plaka KVK-153.
Naligid ang biseklita ni Acubo hinungdan usab sa iyang pagkatagak human nakaangkon og grabeng bun-og sa kalawasan ug maayong pagkaguba sa iyang biseklita.
Apan wala man lamang gayud nihunong ang maong public utility jeepney (PUJ), hinuon nihaguros kini ug gibyaan siya niini tunga sa dalan.
Kini nga kaso padayon pa nga giimbestigahan sa kapolisan, samtang gi-refer usab kini ngadto sa Road and Traffic Administration (RTA) aron pag-ila sa nimaneho niini. (SVB)
(Oktubre 11, 2008
isyu)
