Mabdos og 2 ka buwan miambak sa pangpang
USA ka 19-anyos nga babaye nga nagsabak sulod sa duha ka mga buwan naghikog pinaagi sa paglayat sa pangpang sa lungsod sa Oslob nga adunay 30 ka mga tiil ang gilawmon. Ang babaye giingong kaslunon na sa iyang hinigugma. Gani, nagdungan pa silag pangaon sa wa pa mahitabo ang paghikog pasado alas 2 sa hapon niadtong Dominggo, sa barangay Calumpang, 18 kilometros ang gilay-on gikan sa barangay Poblacion. Ang naghikog giila sa kapulisan nga si Jan Gercillea, taga lungsod sa Daanbantayan. [istorya
sa balita]
89% ang pagsaka sa mga kaso sa dengue
MISAKA na ngadto sa 89 porsiyento ang gidaghanon sa kaso sa dengue base sa uwahing talaan sa Regional Epidemiology and Surveillance Unit (Resu-7). Gikan sa Enero 1 ngadto sa Pebrero 9 ning tuiga, moabot na sa 721 ka mga kaso ang natala gikan sa mga sentinel hospital diin 14 niini ang nangamatay. Mas taas kini itandi sa 380 lang ka kaso nga may unom ka mga patay sa samang period sa miaging tuig. [istorya
sa balita]
Soon-Ruiz: wa ko masayod nga awto ’hot car’
MALISYUSO ang pagsumiter sa listahan sa Presidential Anti-Smuggling Group (PASG) sa giingong wa matarong og bayad sa buhis nga mga sakyanan ngadto sa House Committee on Good Government nga wa siya masayod nga iyang sakyanan nalakip sa lista, matod ni Kong. Nerissa Soon-Ruiz kagahapon. Nitataw si Soon-Ruiz nga si Atty. Edmund Arugay uban niyang lingkod atol sa hearing niadtong Pebrero 6 dihang gisumiter ang listahan sa komitiba nga gipangulohan ni Camiguin Kong. Pedro Romualdo. [istorya
sa balita]
