GENERAL SANTOS – Midangop sa kapulisan sa Malapatan Sarangani Province ang usa ka magtiayon aron ireklamo ang suspetsado nga 18 anyos kinsa naaktuhang nagmolestiya sa ilang anak, alas 10 sa buntag, Miyerkules.

Ang biktima giilang si alyas Joy-Joy (tinuod nga ngalan gitago kay menor de edad ) samtang ang suspetsado giilang si alyas Arnulfo ug molupyo sa Barangay Poblacion,  Malapatan.

Si alyas Agnes (dili tinuod nga ngalan), inahan sa biktima nagbutyag nga iyang nakit-an ang nahitabo sa iyang anak.

Sumala sa inahan nga kanunay nagalaag ang iyang duha ka mga anak sa ilang mga silingan apan wala sila magdahum nga mahitabo ang di maayo.

Anaa na sa kamot sa Children and Womens Concerned Desk ang kaso ug gihimo na sab sa medical examination sa 5 anyos aron masuta kung dunay laceration nga nahitabo. (Mel Coronel/Super Balita General Santos)