GIBUTYAG sa biyuda ni Francis Magalona nga si Pia Arroyo-Magalona nga di niya type nga manghilabot sa lovelife sa iyang mga anak.

Samot nga wala gisudlan ni Pia ang chismis nga si JC Tiuseco ang bag-ong jowa sa iyang anak nga si Maxene Magalona.

Pahayag ni Pia nga dawat niya ang "friendship" nila ni JC ug Maxene o bisan pa man kung more than friends ang ilang drama.

Bilib sab si Pia sa kabuotan ug pagka-matinahuron ni JC apan kung siya ang masunod, mas type niyang i-enjoy una sa duha ang ilang friendship.

Knows ni Pia nga di pa gyud ready nga makigrelasyon si Maxene human kini makigbuwag sa non-showbiz boyfriend.

Sumala ni Pia nga gihatag gyud daw ni Maxene ang tanang pagmahal sa kanhing jowa ug after nga masakitan, buot niyang papahuwayon una ang kasing-kasing niini.

Apan kung gusto gyud daw ni Maxene nga ma-inlove, well, wala daw siya'y pagsupak bisan pa kang JC kini mahigugma.