ANG Commission on Election sa probinsya sa Davao del Sur nagklaro nga di na sila modawat og rehistrasyon alang sa mga botante human natapos ang deadline niadtong Oktubre 31.

Mismong si Atty. Maria Febes Barlaan, dihang gihinabi sa Sun.Star Superbalita sa telepono kagahapon sa buntag nagkanayon nga wa na sila midawat og magpa-rehistro sanglit wa sila'y nadawat nga direktiba gikan sa Manila nga may extension sa registration.

Matud pa nga aduna gihapoy mga tawong moadto sa mga buhatan sa Comelec sanglit wa masayod nga natapos na diay ang rehistrasyon niadtong Oktubre 31.

"Naghihintay pa kami ng directives kasi as far as I know, yung mga places na affected lang ng typhoon ang binigyan ng extension," pasabot ni Barlaan.

Hinuon, pahayag sa opisyal nga andam silang mo-implementar sa giingong extension of registration kun kini man i-mando sa ilang labaw.

Dugang pahayag ni Barlaan nga mas daghang bag-ong botante ang nagpa-rehistro karon.

"During the last week of registration mayroon tayong eight thousand plus in the whole province, so meaning marami talaga ang sumali," niya pa.

Gitataw sa Comelec nga niihap og kapin 50 mil ka mga tawo o mas taas pa niini ang nipatala aron makapa-rehistro.

"Althought di pa namin na-consolidate ang lahat ng registered voters sa mga towns but nakita na natin na nag-increased talaga," dason niya.

Nanghinaut ang Comelec nga dili lang kutob sa pagpa-rehistro ang gihimo sa katawhan apan mogawas sab kini aron moboto atol sa adlaw sa piniliay.

Sulti sa opisyal nga nangandam na sila alang sa pagsang-at sa mga kandidato sa ilang certificate of candidacy karong Nobyembre 30. (Orlando B. Dinoy)