SI JUDY Ann Santos ang nahimo'ng inspirasyon sa young actor nga si Jason Abalos nga miresulta sa iyang pagsungkit sa Urian Best Actor award.

Si Jason, kauban si Sid Lucero mao ang nag-tie sa Best Actor award sa 31st Gawad Urian niadto'ng Miyerkules sa CCP Little Theater.

Si Jason mao ang pinaka-paborito sa press sa naka-daug sa mao'ng award diin very good kaayo ang iyang pagdala sa pelikulang Endo ni direk Jade Castro.

Una nang giharbat ni Jason ang 'Best Performance' award sa 2008 Young Critics Circle alang gihapon sa Endo.

Anyway, gibutyag ni Jason nga kung wala sa suporta sa iyang higala nga si Judy Ann, di gayud niya makab-ot ang mao'nga award.

Si Juday matud pa ang naghatag og kusog kang Jason aron nga maningkamot sa iyang pag-arte nga karon, nagbunga og award.

Atol sa speech ni Jason sa awards night, wa gayud niya nalimtan sa pagpasalamat kang Juday.