SOLO na nga nagpuyo si Bianca King dinhi sa Pilipinas.

According kang Bianca, nibalik na sa Canada ang iyang parents, kapin duha ka semana na ang milabay diin siya ang ni-gasto sa tanan.

Canadian ang amahan ni Bianca mao nga kinahanglan gayud sa iyang parents nga moadto didto.

Buot sab daw sa father ni Bianca nga ang government sa Canada ang motubag sa pagtiguwang niini.

Kini na usab daw ang higayon sa mother ni Bianca nga asikasuhon niini ang iyang citizenship. Plano sab daw sa mother ni Bianca nga mangita og trabaho didto aron nga mas makaluag sila sa kinabuhi.

Aminado si Bianca nga naguol siya since layo na ang iyang parents.

Sa kasamtangan, scholar si Bianca sa College of St. Benilde.

Gipanghambog ni Bianca nga consistent dean's lister siya sa ilang tunghaan ug bisan naa siya sa showbiz, wa niya napasagdi ang iyang pagtuon.

Naa na sa 3rd year si Bianca sa kurso'ng Filmmaking.

Aminado si Bianca nga kung wala ang iyang scholarship, di sab siya maka-tungha since kuwangon gayud ang iyang kita sa showbiz.

Gibutyag sab ni Bianca nga di sab ana ka sayon sa iyang bahin nga maka-kuha dayon og regular show sama sa Dyesebel kung diin siya kontrabida sa pagka-karon.

Dako sab ang pasalamat ni Bianca nga may mga mokuha kaniya nga mag-host sa nagkadaiyang mga lugar nga matud kaniya, dako'ng tabang na sa iyang mga gastuhanan.

Desidido gayud si Bianca nga humanon ang iyang pagtuon.

Buot daw niya nga mahimo'ng producer sa TV o sa pelikula, o bisan sa pagsuwat og script inay moarte atubangan sa camera pag-abot sa panahon.