DEAR Noy Kulas,

MISS TAURUS

Miss Taurus,

Maayong adlaw kanimo. Usa diay tawon ka sa mga biktima sa mga employer nga way kasingkasing, di kahibawong maluoy sa ilang mga kawani. Mao nang naproblema ka karon tungod kay wa na kay trabaho.

You made the right decision in leaving your work. Mas importante ang imong amahan kay sa pagtrabaho sa kompaniya nga gipanag-iya sa usa ka amo nga bato og kasingkasing. So, ayaw gyud kaanugon sa oportunidad nga nakatrabaho ka na. Kay makit-an ang trabaho, di ang opportunity sa pag-alagad sa imong amahan nga masakiton.

Di ko makapasalig nga maka-endorse ko nimo sa work kay sagad sa akong mga amigo nga negusyante fully-staffed na ang ilang buhatan. Basin hinuon duna koy reader nga maluoy nimo, makatanyag og trabaho. Kay ang kawani nga sama nimo is a good worker, kahibawong mobati sa isig kaingon. Sa ato pa, responsible ug kahibawong maghuna-huna. That character is a reflection of a good person nga masaligan ug mabiyaan og mga responsibility.

And most especially, ang pag-ampo kanunay maoy labing lig-ong hinagiban in any crisis. Looking back sa among kalisod sa pamilya sukad sa gamay pa ko, naka-survive ko. And I see God’s hands behind it. Di tingali masulbad dayon nang inyong suliran, labina sa pag-demolish unya. But moabot ang time nga makabarog ra mo. Never say nga hopeless ka kay kon maghuna-huna kag ingon niana, ma hopeless gyud. Look at life in a positive way.

Kon di ka makatrabaho, ngano man diay magnegusyo kag ginagmay? Unsa nga negusyo? Look around you, imo ra nang Makita sila. Kon duna kay will, duna kay way.

NOY KULAS