HUMAN niya natuboy ang University of the Visayas (UV) Green Lancers ngadto sa ikasiyam niining sunodsunod nga titulo sa Cebu Schools Athletic Foundation Inc. (CESAFI), nakatutok na karon ang atensyon ni 7-footer Greg Slaughter ngadto sa iyang tahas sa Smart Gilas RP developmental team.

Mobalik pa kaha sa Cesafi si Slaughter sa sunod tuig? Mao kini ang pangutana nga di pa matubag ning puntoha.

"The Manny Pacquiao Blog". Click here for stories and updates on the Filipino boxing champ.

Nagkanayon si Green Lancers coach Elmer Cabahug nga kon himuon ra gihapong tig limpyo sa bangko si Slaughter sa RP team, hayan ilaha gyud kining pabalikon aron makatabang sa ilang tinguhang ika-10 nga sunodsunod nga titulo.

“Ako laging giingnan si Greg nga kon ma-bench warmer ra siya sa RP team, wa gyud siya’y makat-unan ug mawad-an pa siya’g self confidence. Kon mao na ang mahitabo, maayo pang moduwa siya’g balik sa UV para ma-develop gyud siya’g maayo,” pasabot ni Cabahug.

Hinuon giklaro ni Cabahug nga kon di na makabalik si Slaughter, hayan andam gihapon ang Green Lancers alang sa kombati sa sunod tuig.

“At least with Greg, natuman na nako ang akong favorite nga number 9. Mao man gyud ni ang akong number gikan sa college hangtod nga na-PBA ko,” pasabot ni Caba-hug.

Apan nagduda pa si Cabahug nga magamit og sakto si Slaughter sa RP team gumikan kay iyang karibal sa posisyon mao man sila si Rabeh Al-Hussaini ug ex-LA Laker CJ Giles, kandidato nga mahimong naturalized player.

“Tag-as unya mana-gan gyud biya ni sila si Hussaini ug Giles.

Ang gusto namong mahitabo ni Greg nga mahimo siyang dominant gyud nga big man pero kon maba-ngko siya, di siya makat-on,” dugang ni Cabahug.

Giklaro ni Cabahug nga nakigsabot na silang daan sa Smart Gilas management kabahin sa sitwasyon ni Slaughter, kinsa back-to-back Cesafi MVP.

“Sa pagkakaron, wa pa ta makahibalo kon makaduwa ba’g balik si Greg sa Cesafi. Ingon man to siya nga mosuway lang una siya sa RP team,” asoy ni Cabahug.