MGA scholars ni Kongresista Nerissa Soon-Ruiz sa 6th district sa Sugbo nga taga dakbayan sa Lapu-Lapu, lungsod Cordova ug Consolacion, nipamatuod nga wa sila magparehistro sa dakbayan sa Mandaue.

Apan si Atty. Francisco Amit nihagit sa kampo ni Ruiz nga di lang pipila ka scholars ang ipresentar apan ang tanan aron adunay transparency.

Sun.Star accepts donations for victims of Typhoon Ondoy

Ang maong mga scholar nagdala sa voter’s registration record (VRR) nga nagpakita nga narehistro sila sa ilang tagsa-tagsa ka mga municipality sukwahi sa pasangil.

Si Jefferson Salinas, tinun-an sa Industrial Engineering sa lungsod sa Cordova, usa sa mga scholar ni Ruiz nasakitan sa mga pasangil nga gibato ni Amit nga giingon silang flying registrants.

Si Lita Cabillo, tinun-an usab sa Cordova sa kursong education nihangyo nga di sila iapil-apil sa pamulitika.

“Pagawasa tanan ninyong scholar lakip na ilang parents ug immediate relatives aron matan-aw nato sa list of voters if di ba tinuod nga flying registrants na sila,” tipik sa pamahayag ni Amit. (FVQ)