GIPUKAN sa M. Lhu-illier Kwarta Padala-Cebu Ninos ang defending Na-tional Champion Misamis Oriental Meteors, 78-73, sa miaging gabii sa preview sa ilang cham-pionship showdown sa Smart Liga Pilipinas Conference III Zamboanga City Leg sa sa Universidad de Zamboanga.

Ang Niños ni coach Raul “Yayoy” Alcoseba padayon gihapong wa-la’y pilde sulod na sa 15 ka mga duwa ning kom-perensyaha.

"The Manny Pacquiao Blog". Click here for stories and updates on the Filipino boxing champ.

Human sa yano ni-lang kadaugan sa nag-una nilang duha ka mga duwa sa Zambo leg, ang Niños, sama sa nangagi nilang mga duwa sa Meteors, nakasugat og grabeng pagpanghudlat una nila naangkon ang kadaugan.

Sa sayong bahin, puwerte gyud kasikit sa kombati ug igo lang naglabaw og 32-30 ang Niños sa halftime.

Wa gyud nilubad ang kakulbahinam sa duwa hangtod na sa gyud sa katapusang gutlo.

Nakaginhawa lang og luagluag ang Niños dihang naseguro na nila ang kadaugan sa himatyong segundos.

Gipangulohan ni Franklyn Nailon ang kadaugan pinaagi sa iyang 18 puntos samtang niamot og 16 puntos si Mark Ababon, kanhi MVP sa Cebu Schools Athletic Foundation Inc. (CESAFI)

Sa laing kombati, ang EKB-Apayao Rapids ningposte sa labing una nilang daog sa torneyo pinaagi sa paglampornas sa host Zamboanga Uno Latinos, 100-77.

Ang Rapids ug Uno Latinos mao ang mag-ilog sa ikatulong pu-westo.

Puntos kada usa:

First game:

Cebu (78) – Nailon 18, Ababon 16, Saladaga 11, Basco 9, Magsumbol 9, Dacia 7, Poligrates 2, Padilla 2, Santos 2, Mepana 2, Enriquez 0.

MisOr (73) –Cabahug 23, Saldua 21, Lamocha 9, Misa 8, Butel 4, Barcellano 4, Moreno 2, Mamaclay 2, Daja 0, Guiyab 0. Period Scores: 15-15, 30-32, 60-57, 78-73.

Second Game:

Apayao (100) – Cruz 18, Navarro 17, Junio 12, Dizon 10, Bonus 10, Santos 8, Vitug 7, Ebuen 5, Cabico 4, Evangelista 3, Lopez 2, Bumanglad 2, Lustestica 2, Yambao 0, Villareal 0.

Zamboanga (77) – Bolias 21, Rebollos 15, Necesito 10, Merced 8, Graebel 7, Concepcion 7, Lozano 7, Navarro 2. Period Scores: 27-18, 46-32, 71-50, 100-77.