GIKLARO ni Cebu City first lady Margot Osmeña nga si Mayor Tomas Osmeña ang nagdasig kaniya sa pagdagan isip konsehal sa south district sa Siyudad.

Kini ang reaksyon ni Margot sa pamahayag ni mayoral aspirant Georgia Osmeña.

Niadtong milabayng adlaw, ang manghod ni Tomas nga si Georgia namahayag nga ang pag-anunsyo sa mayor nga modagan sa pagka-konsehal sa south district si Margot usa lang ka “simple posturing” ug nga di kini modagan.

Sun.Star accepts donations for victims of Typhoon Ondoy

Si Georgia nagkanayon usab nga si Margot naghupot og US green card mao nga di makadagan.

Siya nagtuong di kini buhian Margot bisan kon gikinahanglan ilabi na kon modagan kinig pwesto sa gobyerno.

“I gave up my green card even before Tommy got sick (na-diagnose sa cancer niadtong milabayng tuig). He is well and it was Tommy who encouraged me to run,” nagkanayon si Margot.

“Everyone knows he makes the political decisions in the BOPK family,” midugang siya.

Nidugang sa pagpadayag si Georgia nga si Margot “should seriously consider her husband Tommy’s medical condition.”

Nag-awhag ang igsuon sa mayor kang Margot nga gikinahanglan gyod nga kanunay siyang anaa sa kiliran sa iyang bana. (RHM sa Sun.Star Cebu)