KAPULISAN nangangkon nga nilampos sila sa pagmintinar sa kahusay ug kalinaw atol sa duha ka mga adlaw nga selebrasyon sa simbahang Katuliko- Adlaw sa mga Santos ug Adlaw sa mga Patay.

Si Police Regional Director Chief Supt. Lani-o Nerez niingon nga nilampos sila sa ilang pagpangandam ug pagbantay sa mga sam-ang, mga terminal ug pantalan.

Matod ni Nerez nga adunay mga krimen nga nahitabo apan siya nitataw nga wa kini mahitabo sulod sa sam-ang ug way kalabotan sa kasaulogan.

Sun.Star accepts donations for victims of Typhoon Ondoy

Gani lakip sa gipasigarbo ni Nerez ang pagmenos usab sa mga tawo nga ilang nadakpan nga nagdalag mga mahait nga hinagiban ug mga ilimnong makahubog sulod sa mga sam-ang kon itandi sa miaging tuig.

Si Nerez nipasalamat sa mga local nga kagamhanan, mga barangay tanod ug mga police auxiliary group sa pag-abag kanilang mga pulis hinungdan nga sila nilampos.

Sa iyang bahin si Cebu Provincial Police Director Senior Supt. Jesus Gaquing niingon nga malinawon usab ang tibuok lalawigan.

Matod niya nga adunay pagpamusil sa mga lungsod sa Dumanjug, Balamban, ug ubang dapit apan nahitabo gawas usab sa mga sam-ang.

Hinuon usa sa mga suliran nga iyang nakita mao ang kakuwang ra gyud sa ilang mga pulis nga di pa igo mobantay sa mga sam-ang ug uban pang mga dapit. (DRT/FVQ)