DUGAY na nga nagsigeg ingon si Mayor Tomas Osmeña nga ang iyang asawa nga si Margot di modagan pagka mayor.

Mao sab kini ang pamahayag ni Margot kon pangutan-on sa mga tigbalita aron di mabulabog ang pagsuporta sa Bando Osmeña- Pundok Kauswagan (BO-PK) kang Bise Mayor Mike Rama.

Sun.Star accepts donations for victims of Typhoon Ondoy

Apan nausab ang dagan sa pulitika sa Syudad sa Sugbo dihang nidesisyon si Georgia Osmeña nga modagan pagka mayor.

Nakutaw pagsamot ang pulitika sa syudad dihang niingon si kanhi senador John O. Osmeña nga modagan sab siya pagka mayor.

Human nibalhin si Sonny O sa iyang rehistrasyon dinhi sa Syudad sa Sugbo, nagsige na siya sa pagbutyag og lain-laing mga plano nga makaintriga ug makapaukyab.

Karong duha na ka mga Osmeña ang mag-mayor ug usa ka Osmeña ang magkongresista, lisod na unta nga duna pay laing Osmeña nga modagan.

Apan ang Syudad sa Sugbo mao ang dapit nga giisip nga balwarte sa mga Osmeña labi na kang Tomas.

Di angay nga buhian niya kini labi na nga masakiton siya ug gikinahanglan ang dunay mopadayon sa iyang habig sa pamilya.

Mao nga gikinahanglan nga modagan si Margot apan karon alang sa pagka konsehal.

Kinahanglan sab nga lig-unon ang line-up sa Segundo Distrito sa syudad labi na nga nakapanukad pagmaayo si Atan Guardo.

Modagan ra diay si Margot.