Ako diay si Abegail, taga Dumlog, Talisay City. Usa ako ka byuda apan di minyo. Actually 28 na ko ron apan 2 years ago namatay akong uyab. Namatay siya sa aksidente sa motor ug wa na gyud mi nakahigayon sa pag bye-bye man lang kay dead on the spot siya.

Bisan 2 years na siya namatay di gihapon ko ka move on kay gibasol man gud nako akong kaugalingon kay kon wa pa mi mag away that time, siguro buhi pa to siya.

Sun.Star accepts donations for victims of Typhoon Ondoy

Nilakaw man gud dayon siya atong panahuna dihang nagkalalis mi sa gamay nga butang lang. Mao nga hangtod karon di gyud nako madawat ug kanunay nako gi blame akong kaugalingon bisan way lain nga nakahibawo sa hinungdan nganong nadisgrasya siya.

Di gyud mawala ang konsensya nako nga namatay siya. Gusto unta ko nga mamatay na lang sad apan sala man sad gud pero wa gyud ko mawad-i sa pag-ampo nga mamatay na lang sad ko kay para magkakita mi ug mangayo ko og pasaylo niya. Hangtod karon wa gyud siya magpadamgo nako o magparamdam lang ta para makampante ko.

Sakit kaayo, Papa Joe, oi labi na karong Kalag Kalag, magpanagana ko og bisita sa iyang lubong kay maora ko og ma-guilty atubangan sa iyang pamilya. Unsa kahay angay nako buhaton, Papa Joe, nga makapadayon na ko sa akong kinabuhi nga di na makonsensya. Gusto na sad unta ko nga maka relasyon og usab apan nagpanagana ko basin og mahitabo na sad. Please tambagi ko.